In Entstehung

Quinoa – As schlechte Gwissn kimt beim Essen


Quinoa – As schlechte Gwissn kimt beim Essen
Hochdeutsche Version                                                                                                         Maria Smettan 2014

Quinoa bio – schweinsdeia! 5 Euro de Packung
Gaiberuam bio
Brotaufstrich bio, vegan
Wasser ned bio
Soiz a ned bio

Fertig is mei veganes bio-Gericht.
Schmeckt supa, a reines Gedicht.
Doch de Selbstverarsche, de schmeckt mia nicht!

Es is ois bio – aiso füa unsa Umelt prima.
Doch a Transport vo Chile doher war no nia ned guad füa’s Klima.
So lang koa Viech an Pfluag zong hod, hod a koans glitten,
denn es is vegan, wia wunderbar human, unsare heitigen Sitten.
Doch unsa Nachfrog dort an Preis in’d Haichn treibt,
dzweng weniga Quinoa im Land verbleibt.

Manch oana werd dort gwiess davo profitiern,
doch vo vui werd da Speisezettl an wichtign Bestandteil valiern.
De Bio-Viecha dageng doan wenigstens wos ausgwongs zum fressen kriang,
zumindest solang oan de Etiketten ned völlig ooliang.

Schnai gfasst is do mei Entschluss,
i werd Quinoa ned oft essen, dafüa mit Wertschätzung und Genuss.

Denn as schlechte Gwissn is ned do um oam an Appetit zum verderm,
sondern um oan a gsunds Bwusstsein üba des, wos ma isst, zum lehrn.